Milani prej kohësh është në kërkim të një mesfushori, dhe Xhampaolo ia u ka bërë të qartë dëshirën e tij, drejtuesve kuqezi.
Sipas asaj që shkruan “La Gazzetta dello Sport”, dëshira e madhe tek Milani, është mesfushori i Sampdorias, Denis Praet. Belgu ka qenë nën urdhrat e teknikut të ri kuqezi për tre sezone, dhe tani e dëshiron atë edhe tek skuadra e tij.
Sampdoria dëshiron të paktën 26 milionë euro, për ta lënë të lirë 25-vjeçarin, dhe kuqezinjtë duhet të sakrifikojnë një nga lojtarët e tyre për të mbërritur tek Praet. I sakrifikuari mund të jetë Frenk Kesi, i cili nuk konsiderohet, si një lojtar kryesor për trajnerin, në sezonin e ardhshëm.
Për mesfushorin nga Bregu i Fildishtë, kishte oferta nga Premier Liga, por duke ditur se merkato në Angli mbyllet pas 2 ditësh, është e vështirë që ai të transferohet aty.