Tashmë është zyrtare, Malkom nga sezoni i ardhshëm do të jetë një lojtar i Zenit Shën Pjetërsburg.
Sulmuesi brazilian i kushtoi arkave të ekipit rus plot 45 milionë euro, dhe ka nënshkruar një kontratë 6-vjeçare. Zyrtarizimi i lojtarit ka ardhur nga Zeniti, të cilët nëpërmjet një postimi në rrjetet sociale, njoftojnë se kanë nënshkruar me 22-vjeçarin.
Gjatë prezantimit, skuadra ruse tallet edhe me Romën, teksa ndërkohë që tregojnë të gjitha skuadrat që ka luajtur sulmuesi, aty përfshijnë edhe ekipin verdhekuq.
Italianët një vit më parë kishin nënshkruar një marrëveshje me Malkom, dhe po e prisnin atë në aeroport, por më vonë kuptuan se ai kishte ndryshuar fluturimet, dhe ishte nisur drejt Barcelonës.
