Delegati i ndeshjes së djeshme dhe njëkohësisht shefi i garave në Federatën Shqiptare të Futbollit, Lysien Nurishmi, pas ndeshjes sqaroi problemin me ndriçimin e stadiumit. Sipas tij, problemi është i zakonshëm në ndeshjet me drita.
“Problemi i ndriçimit erdhi si pasojë e një goditjeje tensioni. Kjo solli fikjen e menjëhershme të projektorëve, sepse u mbingarkuan. Janë model i vjetër dhe normalisht mbingarkohen. Që të rindizeshin projektorët, duhej që rrjeti në stadium dhe projektorët duhet të ftoheshin plotësisht, sepse në të kundërt ishte e pamundur që të vinte ndriçimi. Me ftohjen e sistemit erdhi edhe ndriçimi”, u shpreh Nurishmi.
Një episod i pakëndshëm ka ndodhur në ndeshjen Tirana-Teuta pasi në minutën e 23-të në stadiumin e kryeqytetit ka patur probleme me ndriçimin dhe ndeshja është ndërprerë.
Lojtarët për disa minuta kryen nxehje e nevojshme derisa të ndizeshin plotësisht projektorët e stadiumit.
