Eros Grezda po kalon një moment të çuditshëm te Rangers në Skoci duke qenë se nuk është në planet e trajnerit Gerard e njëkohësisht po aktivizohet rregullisht me skuadrën e të rinjve.
Sulmuesi i Kombëtares ishte sërish titullar në ndeshjen që Rangers fitoi ndaj Stranraerit me rezultatin 0-2, duke u zëvendësuar në minutën e 83-të.
Kjo ishte ndeshja e dytë radhazi që Grezda luan duke qenë se vetëm pak ditë më parë ishte në ndeshjen Berwik-Rangers.
Sakaq, në Skoci janë të bindur se Grezda tashmë është gati për një transferim jashtë Skocisë dhe destinacioni i tij i ri do të jetë kampionati francez.
Ndryshe nga sa flitej më parë kur bëhej fjalë për një transferim definitiv, tashmë Rangers duket se ka dëshirë që ta huazojë Grezdën, në mënyrë që ky i fundit të arrijë formën dhe të rikthehet një ditë.
Vetë Gerard, u shpreh se ka disa futbollistë që mund të huazohen.
