Roma prej kohësh ishte në kërkim të një mbrojtësi, të cilin e ka gjetur tashmë.
Verdhekuqtë kanë marrë Kris Smolling në formën e huazimit për një sezon nga Mançester Junajtid. Italianët gjatë gjithë merkatos ishin në kërkim të një mbrojtësi qendre, pas largimit të Kostas Manolas i cili u bashkua me Napolin.
Pasi dështuan të transferojnë objektivat si Lovren apo Rugani, drejtuesit e Romës nisën kontaktet me Junajtid dhe arritën një marrëveshje për kalimin e mbrojtësit anglez në “Olimpiko”. Smolling ka mbërritur në Itali ku po zhvillon vizitat mjekësore dhe pas përfundimit do të nënshkruajë kontratën.
Pas transferimin të Herri Meguajër te “Djajtë e Kuq”, 29-vjeçari nuk ishte në planet e teknikut Solskjaer, dhe vendosi të nisë një aventurë të re.