Bardheblutë kanë edhe një seancë stërvitore përpara se ata të luajnë në Shkodër të shtunën, ora 19:00. Trajneri Ardian Mema akoma nuk e ka vendosur se cilët do të jenë 11 futbollistët. Gjithsesi, një ide e ka dhënë, ndonëse mungonin pesë lojtarë.
Me portën ku zot është Ilion Lika, mbrojtja do të jetë e përbërë nga Vangjeli, Osmani, Imami dhe Hoxhallari. Në mesfushë Batha me të gjitha gjasat do të ketë shok reparti Çelhakën, ndërsa njëri mes Halilit e Dokës do të jetë titullar në krahun e djathtë.
Hasani në qendër dhe Kaleja majtas. Sulmi me të gjitha gjasat do t’i besohet Majkëll Ngosë, që dje ishte me fanellën e titullarit. Megjithatë, është për t’u parë, sepse ndonjëherë Mema surprizon me 11-shen.
