Trajneri Pep Guardiola, ende është në kërkim të përforcimeve për sezonin e ri, i cili pritet të jetë shumë i vështirë.
Tekniku spanjoll dëshiron të paktën edhe dy përforcime, të cilët ia ka bërë të ditur drejtuesve, dhe pritet të kapin shifrën e 100 milionë eurove. Sipas “The Sun”, dy lojtarët që dëshiron trajneri janë Natan Eik, mbrojtësi i qendrës që aktivizohet tek Burnemuth, dhe lojtarin e Realit, Isko.
Për mbrojtësin holandez, thuhet se drejtuesit kanë gati një ofertë prej 40 milionë euro, dhe mendojnë se janë të mjaftueshme për të arritur një marrëveshje me klubin tjetër të Premier Ligës.
Ndërsa për mesfushorin spanjoll, të cilin Guardiola e pëlqen shumë, drejtuesit e Sitit, janë të gatshëm të paguajnë rreth 60 milionë euro, për ta vënë nën urdhrat e trajnerit të tyre.