Çfarë gafe nga Totenhemi! Interi luan ditën e sotme, një tjetër miqësore në stadiumin e londinezëve, në kuadër të turneut miqësor “International Champions Cup”.
Por, “Spërsat” nuk kanë zgjedhur mënyrën më të mirë për të promovuar këtë takim. Në posterin që njofton për ndeshjen, Totenhemi, krah tre lojtarëve të saj, Lukas, Kejn apo Son, ka zgjedhur edhe 3 lojtarë të Interit.
Por, për zikaltrit aty janë rreshtuar pikërisht 3 lojtarë që as nuk do të luajnë fare në këtë takim miqësor. Raxha Naingolan, do të kalojë tek Kaljari, dhe ka zbarkuar tek ekipi i tij ri. Mauro Ikardi, qartazi nuk është në planet e Antonio Kontes, dhe nuk është grumbulluar për këtë takim. Gjithashtu, edhe Lautaro Martinez, është lënë pushim nga Konte për këtë sfidë në kryeqytetin e Anglisë.
⚪️ Dressing room check: ✅#ICC2019 ⚪️ #COYS pic.twitter.com/SqXo3UUJXH
— Tottenham Hotspur (@SpursOfficial) August 4, 2019
