Zyrtarët e Interit janë të gatshëm që të nisin edhe një tjetër ofertë në drejtim të Anglisë, për shërbimet e Romelu Lukaku.
Sipas ‘Corriere della Sera’, ‘Nerazzurri’ do të bëjnë një ofertë të fundit për Lukaku, gjatë ditës së hënë, në rast se Juve nuk e mbyll më herët marrëveshjen me belgun.
Juventus po propozon një shkëmbim Dybala – Lukaku, por argjentinasi po hap telashe për ‘Zonjën e vjetër’, pasi ai nuk preferon një kalim në ‘Old Trafford’, të paktën pa biseduar me trajnerin Maurizio Sarri.
Agjenti i tij raportohet se kërkon 15 milionë euro, plus një pagë prej 12 milionë eurove në vit për lojtarin, shtuar edhe bonuset.
Në anën tjetër, ofertat e Inter kanë arritur deri në 60 milionë euro, por nuk kanë bindur drejtuesit e United.
Skuadra ‘Zi kaltër’ do të tentojë edhe një herë për të marrë shërbimet e yllit belg, me shpresën që të mbyll gjithçka në ‘frymën e fundit’.
