Takefusa Kubo u transferua te Real Madridi këtë merkato, nga skuadra japoneze e Tokios.
18-vjeçari ishte i grumbulluar me skuadrën e parë të Realit në SHBA, ku tregoi paraqitje shumë të mira gjatë përgatitjeve para-sezonale. Drejtuesit kishin vendosur që lojtari të luante për të rinjtë, sezonin e ri dhe jo me skuadrën e parë.
Kohët e fundit, Real Vajadoidi ka shfaqur interes për të marrë mesfushorin në formën e huazimit për një vit, dhe pikërisht kjo i ka pëlqyer Real Madridit, të cilët kishin pranuar menjëherë marrëveshjen.
Por, është pikërisht Kubo, ai që ka refuzuar të kalojë tek skuadra tjetër spanjolle, pasi preferon të qëndrojë me të rinjtë e “Los Blankos”. Gjithsesi drejtuesit do të provojnë përsëri të bindin japonezin të kalojë në huazim, pasi mund të marrë më shumë eksperiencë.
