Ish mesfushori i Milanit, Massimo Ambrosini, së fundmi ka folur në lidhje me merkaton e ish- klubit të tij në pjesën ofensive.
Ambrzini i cili kaloi një karrierë të suksesshme tek klubi milanez ka thurur elozhe për Piontek, dhe cilëson largimin e Kutrones si një sakrificë të nevojshme.
“Gjendja financiare e detyroi Milanin të hiqte dorë nga Kutrone. E tija ishte një shitje e dhimbshme, megjithatë uroj që drejtuesit kuqezinj të kenë gjetur zgjidhjet e duhura.
Xhampaolo në sulm do të ketë një bomber si Piontek. Fanella kuqezi peshon, por polaku më duket se ka personalitetin e duhur për ta përballuar. Ai është një realizues fantastik dhe mund të përmirësohet ende shumë”, tha Ambrosini.
