Leonit Abazi “lë thatë” Kukësin dhe firmos me Prishtinën në Superligën e Kosovës. Pas bisedave të gjata është arritur akordi trevjeçar mes klubit kryeqytetas dhe anësorit 26-vjeçar. Lojtari i lindur në Gjilan, futbollistë i krahut të majtë, 174 cm i gjatë, ish-futbollisti i Dritës, në korrik të vitit 2013 kishte kaluar te Skënderbeun. Skuadër me të cilën kishte fituar gjithçka çfarë mund të fitohet duke luajtur edhe në grupet e Eeropa Ligue-s.
123 ndeshje të zhvilluara me Skënderbeun (88 në kampionat, 8 në Europa Ligue, 26 për Kupë, 6 ndeshje në kualifikimet e Championsit dhe 5 në Superkupë) duke shënuar 6 gola (4 kampionat, 2 Kupë) dhe 4 asistime.
“Vendosa për Prishtinën, sepse është klubi më i madh në Kosovë, klubi më i trofeshëm dhe klub me ekip me ambicie shumë të mëdha. Kjo ishte arsyeja më e madhe e kësaj zgjedhjeje. Sigurisht që pres titullin kampion me Prishtinën, aty ku e ka vendin klubi dhe sa më lart të ecim në Europë.
E njoh ekipin e Prishtinës, e kam përcjellë edhe sa isha në Shqipëri, sikurse edhe kryetrajnerin Josa, të cilin e kam pasur trajner edhe te Skënderbeu. Është trajner me përvojë dhe kam respekt të madh për të”, – u shpreh Leonit Abazi
