Një lajm shumë të mirë ka marrë sot skuadra e Kukësit, pasi kanë nisur punimet për rikonstruksionin e stadiumit “Zeqir Ymeri”.
Stadiumi i ri do të ketë një kapacitet prej 8 mijë vendesh dhe ndërtimi i tij do të kushtojë 5 milionë euro, të cilat do të financohen nga qeveria shqiptare dhe FSHF-ja. Sipas planit projekti do të përfundojë pas 15 muajsh.
Kreu i Bashkisë Kukës, Safet Gjici, ka inaguruar fillimin e ndërtimit të impiantit të ri sportiv, fusha e të cilit do të jetë me bar natyral, standarde europiane, duke plotësuar kështu elementët për të zhvilluar në këtë stadium ndeshjet ndërkombëtare.
Kjo është puna e parë që Safet Gjici, ish-presidenti i Kukësit, do të bëjë si kryetar i bashkisë së këtij qyteti.
