Lacio e Simone Inzagit gëzon një super formë. Ajo ka arritur të sigurojë 9 fitore në 9 miqësore të zhvilluara. Skuadra nga kryeqyteti i Italisë, mposhti në përballjen e sotme, spanjollët e Selta Vigos me rezultatin 1-2.
Të kaltrit shënuan 2 herë në pjesën e parë me anë të Imobiles, ndërkohë që Selta ngushtoi rezultatin në minutën e 38-të me anë të Beltran, i cili përfitoi nga një gafë e Thomas Strakosha.
Gardiani shqiptar nuk u tregua aspak i kujdesshëm pas gjuajtjes nga jashtë zone të mesfushorit spanjoll, duke i dhuruar një gol skuadrës kundërshtare.
Gjithsesi kjo gjë nuk i prishi serinë pozitive skuadrës italiane, pasi rezultati mbeti i pandryshuar deri në fund.