Eliakuim Mangala tashmë është një lojtar i Valencias, pasi ka vendosur të largohet nga Mançester Siti.
Për 28-vjeçarin bëhet fjalë për një rikthim tek Valencia, ku luajti i huazuar gjatë sezonit 2016-2017. Në 2 vitet e fundit mbrojtësi ka zhvilluar vetëm 2 ndeshje në total, dhe kjo ka bërë që ai të vendosë të largohet nga Premier Liga.
Mangala u transferua te Siti në vitin 2014, nga portugezët e Portos, dhe në sezonin e parë me anglezët ishte një nga lojtarët kryesorë të ekipit. Francezi shpreson që në aventurën e re të gjejë formën e tij më të mirë, dhe të ndihmojë skuadrën të arrijë objektivat që kanë.
