Stivi Frashëri është zyrtarisht pjesë e Teutës. Pasi i dha fund aventurës 2 vjeçare me Kukësin, gardiani korçar ka firmosur me “djemtë e detit”, teksa do të zëvendësojë Isli Hidin e larguar.
Me afrimin e 28-vjeçarit, durrsakët kanë zgjidhur përfundimisht çështjen për sa i përket katërkëndorit. Në të kaluarën Frashëri ka qenë pjesë e Arisit në Greqi, teksa në Superiore ka mbajtur veshur fanellën e Bylisit, Tiranës dhe Flamurtarit.
Mësohet se Frashëri i është bashkuar ditën e sotme Teutës, teksa është vënë menjëherë në dispozicion të trajnerit Shkëmbi.
