Flamurtari dhe Kukësi luajnë ndeshjen e fundit të kësaj jave në Superiore.
Vlonjtatët me shumë probleme financiare dhe jo vetëm do të vihen përballë Kukësit, që e ka nisur shumë mirë kampionatin duke fituar Partizanin në javën e parë.
Nga stoli do e nisë ndeshjen Abazaj për verilindorët, ndërsa Flamurtari në majën e sulmit do të luajë me Vatnikajn. Musta-Gavazaj-Shkurtaj do jetë treshja e sulmit për Kukësin.
KOMENTI LIVE
73’ KUKËSI 0-3/ Verilindorët shënojnë të tretin, pas një dhurate nga Gocaj. Abazaj hedh një harkim me të jashtmen në zonë, e drejt topit shkon Shkurtaj, por Gocaj teksa do ta çojë në goditje këndi, e çon në rrjetën e tij.
67’ Ardit Hoxhaj provon një roveshatë pas një krosimi të gjatë nga e djathta, por Avdyli i vëmendshëm kontrollon.
65’ Debuton në Superiore Kristal Abazaj me fanellën e Kukësit. Tropojani futet në fushë në vendin e Gavazajt.
64’ Rrapaj nga brenda zone provon të befasojë Avdylin, por në pozicion pret gardiani i Kukësit.
62’ KUKËSI 0-2/ Dyfishojnë verilindorët. Rroca hap lojën në të djathtë për Maliqin, dhe në pasimin për Shkurtajn, sulmuesi nuk fal vetëm me Moçkën.
60’ Qarkullon topin në mesin e fushës Kukësi, teksa e mban nën kontroll Flamurtarin.
56’ Musta lëviz bukur teksa kalon në mes të mbrojtjes, lë pas edhe Deliajn, ndërsa bllokohet nga Moçka. Më pas, në vazhdimin e aksionit godet edhe Kitanovski, por topi përfundon jashtë.
53’ Shkurtaj provon të futet sërish në mesin e mbrojtjes vlonjate, por bllokohet me forcë nga Deliaj.
46’ Nis pjesa e dytë në Vlorë. Dy zëvendësime te Flamurtari. Vatnikaj e Qarri mbesin në dhomat e zhveshjeve, futen në fushë Bajram e Kreshnik Nebihi, të dy kushërinj.
