Rikthimi i Neymarit në Spanjë nuk është një ëndërr por çdo ditë po shkon drejt realitetit.
Gazetari i “MundoDeportivos”, Francesc Aguilar, ka raportuar mbrëmë se PSG dhe Real Madrid kanë arritur marrëveshje me Neymarin dhe orët në vijim pritet të kryhet zyrtarizimi.
Nuk bëhen me dije detajet e negociatave por thuhet se Real Madrid dhe PSG-ja kanë rënë në gjuhën e përbashkët, por oferta e fundit ishte 120 milionë euro plus shërbimet e Luka Modric.
Neymar që mban epitetin e lojtarit më të shtrenjtë në histori të futbollit, ka qenë instrumental i negociatave të shumta këtë verë.
Edhe Barcelona kërkoi rikthimin e tij në “Camp Nou” në ofertën që përfshinte 100 milionë euro plus Philippe Coutinhon që tashmë zgjodhi të transferohet te Bayern Munich.
Kalimi i Coutinhos në kampionatin gjerman vështirëson situatën për afrimin e Neymarit në “Camp Nou”. Ish-lojtari i Liverpool-it nuk mund të përfshihet më në diskutime, ndërsa Dembele ka refuzuar një mundësi të tillë. Kampionët e Spanjës nuk kanë më sulmues për të ofruar në atë nivel që mund të kënaqë PSG-në.
