Norwich-Manchester United, ndeshje e vlefshme për javën e 10-të të Premier League, është zhbllokuar në minutën e 21-të.
Kanë qenë miqtë ata që kanë kaluar në avantazh falë një goditje të saktë të yllit 22-vjeçar, McTominay.
“Djajtë e Kuq” mund të kishin shënuar më parë, por goditja me kokë e Martial 1 metër larg portës është ndalur nga një pritje e jashtëzakonshme e portierit të “Kanarinave”.
Portieri i vendasve, Krul, ka qenë protagonist edhe në minutën e 29-të pasi i ka pritur një penallti Rashford-it. Sulmuesi i miqve ka ndrequr gabimin në minutën e 31-të duke realizuar golin e dytë.
