Pas tri ditëve pushim absolut, Tirana kthehet të stërvitet në kryeqytet. Bardheblutë rinisën stërvitjen në “Skënder Halili”, teksa në fushë ka zbritur edhe Majkëll Ngo.
Sulmuesi ndodhej në Shqipëri dhe pas ditëve të shumta polemizuese me klubin ka nisur stërvitjen nën drejtimin e Memës. Duhet të saktësohet se anglezi është shumë pas në stërvitje, në ndryshim nga pjesa tjetër e ekipit.I pranishëm në stërvitjen e sotme ka qenë edhe Kobinah. Ndërkohë që nuk ka munguar as presidenti Refik Halili, i cili ka vizituar skuadrën nga afër, teksa ka zhvilluar edhe një takim afro 10 minuta para fillimit të stërvitjes.