Endri Çekiçi ka gjetur sërish rrugën e rrjetës në kampionatin slloven.
Mesfushori pogradecar ka shënuar nga pika e bardhë e penalltisë në përballjen e djeshme ndaj Rudarit, ku skuadra e tij, Olimpja Ljubljana, triumfoi me rezultatin e pastër 0-3.
Ky ishte goli i dytë në kampionat për 23-vjeçarin, pas atij të shënuar në javën e parë ndaj Bravos.
Me triumfin e radhës, skuadra e Çekiçit u ngjit në vendin e parë në kuotën e 13 pikëve, duke kryesuar e vetme kampionatin pas përfundimit të javës së pestë.
Sfidën e radhës Olimpja Ljubljana do e luajë përsëri në transfertë, kësaj here ndaj një rivali të vështirë në letër si Aluminij, që renditet në vendin e dytë.
