Milani prej kohësh interesohej për mesfushorin belg, Denis Praet, por duket se e ardhmja e lojtarit do të jetë larg, Italisë.
Thuhet se Sampdoria dhe Leisteri, janë shumë afër arritjes së marrëveshjes për kalimin e Praet, në Premier Ligë.
Mendohet se lojtari do të transferohet në Angli, për rreth 25 milionë euro, dhe të dyja palët kanë gjetur gjuhën e përbashkët.
Drejtuesit e Leisterit po nxitojnë të mbyllin marrëveshjen sa më shpejt, sepse merkato mbyllet ditën e nesërme, dhe nuk kanë shumë kohë.
Mesfushori gjithashtu ishte një dëshirë e madhe e trajnerit të Milanit, Xhampaolo, por kuqezinjtë nuk arritën një marrëveshje, pasi e konsideronin të lartë çmimin e kërkuar nga drejtuesit e Sampdorias.
