Leonardo e ka një “as” nën mëngë në rast se Gonzalo Higuain do të largohet dhe Morata nuk do të vijë. Bëhet fjalë për sulmuesin francez Karim Benzema. Është i kritikuar për shkak se nuk po e ndihmon Realin që të fitojë ndeshjet dhe të shënojë gola. Benzema mund të largohet në rast se Perez vendos të shpenzojë për të transferuar një bomber si Mauro Ikardi.
Në këtë rast, “Djalli” do të përfitonte, por duhet të bëjë kujdes. Për Benzemanë ka shfaqur interes gjatë kësaj kohe edhe skuadra e PSG-së që e kërkon si pasues të Edinson Kavanit në rast se “El Matador” do të largohet dhe do të nisë një tjetër aventurë.
