“Sot është një ditë e rëndësishme, në këtë ditë 24 vite më parë lindi një person i veçantë, ju as që mund ta imagjinoni sesa i veçantë! Një person që sot është bërë e gjithë jeta ime. Shumë urime dashuria ime, të dua… nuk e ke idenë sa shumë!” Ky është mesazhi në Instagram që bukuroshja italiane, Giulia Amodio, i ka dedikuar Stefano Sensit, futbollistit të Interit që më 5 gusht mbushi 24 vjeç.
Një ditëlindje e veçantë për futbollistin italian, që në fillim të korrikut iu bashkua Interit në formë huazimi nga Sassuolo. Sensit i kanë mjaftuar vetëm disa javë nën urdhrat e Contes, për të qenë protagonist në miqësoret e verës. Më siguri, çelësi i suksesit është partnerja e tij, Gulia Amodio.
