Milani ka lajmëruar zyrtarisht se ish-portieri, Nelson Dida, do të jetë trajneri i ri për skuadrën U-17.
Braziliani 45-vjeçar është rikthyer në “San Siro” me një rol të ri, teksa ka luajtur për kuqezinjtë nga viti 2002-2010.
“Sezoni i ri ka filluar për sektorin e të rinjve tek AC Milan, me Primavera dhe skuadrat U18 që po punojnë shumë në kampin e tyre stërvitor të verës në Storo, Trentino deri më 10 gusht”, shkruan në deklaratën e tij klubi i Milanit.
Më tej deklarata vazhdon: “Përgjatë prurjeve të reja në sektorin e të rinjve, në stafin e trajnerëve kemi një rikthim special: ai është Nelson Dida, portieri i AC Milan prej vitit 2000-2010, që ishte bazë për suksesin e klubit në këtë periudhë. Dida është rikthyer në klubin e tij si trajner i portierëve për skuadrën U17”.