Para dy ndeshjeve të shtatorit ndaj Francës dhe Islandës, tekniku i Kombëtares Edi Reja në konferencë për shtyp ka deklaruar se në listë ka risi dhe se futbollistë të ndryshëm kanë shpërthyer në arenën ndërkombëtare.
Duke kaluar te skuadra ka ndonjë risi se ka emra të rinj që nuk i njihja por ju po, janë lojtarë të rinj që kanë shpërthyer në arenën ndërkombëtare por unë nuk i njihja.
Për shembull është Manaj apo Gjasula i cili vitin e kaluar fitoi kampionatin e tani e nisi titullar. Një lojtar me karakteristika që mund të na ndihmojë në mesfushë dhe fizicitet. Është Binaku që ka qenë më para. Pastaj janë në listë pritje shumë lojtarë, them Seferin që ka shpërthyer në këtë sezon por në krahasim me të tjerët është në këtë moment më mbrapa.
Është edhe Trashi që e njoh mirë. Pastaj janë edhe te rinjtë Vrioni e Selahi që po shfaqen mirë, janë me U21 dhe mund ti thërras kurdo. Kurse Kumbulla ka luajtur titullar dhe e solla këtu që ta njoh, që të shoh mundësitë e aktivizimit. E kam ndjekur dhe është lojtar me perspektivë përmirësimi dhe aftësi e personalitet. Nuk është shumë gati ende por mund të bëjë eksperiencë në kampionatin italian dhe do ta ndjekim.
Pastaj është Bare që e njihni e po paraqitet shumë mirë dhe dua ta shoh. Siç e shihni ka ndërthurje të rinj në krahasim me të vjetrit. Federata më ka kërkuar të bëjë rezultate por edhe për të ardhmen. Qartësisht po shohim për europianin po nëse nuk arrijmë kualifikimin do të fillojmë punën për rinimin dhe kjo është pak a shumë një listë cilësore. Pastaj ka edhe të rinj të tjerë te U21 që kanë treguar se mund të bëjë rezultate të rëndësishme e mund të shohim mundësinë që ti provojmë. Por fillimisht do të shohim Francën e Islandën, e rëndësishme është rezultati por jemi gati edhe për të tjerat.
