Real Madridi prej kohësh është në kërkim të një mesfushori, dhe pas vështirësive për të arritur tek Pol Pogba, madrilenët kanë hedhur sytë nga objektiva të tjerë.
Sipas asaj që shkruan “Record”, madrilenët kanë piketuar mesfushorin e Sporting Lisbonës, Bruno Fernandes. Objektivi i parë i spanjollëve është Pol Pogba, por mesfushori portugez shihet si altrnativa më e mirë në rast se dështon pista për francezin.
Klubi portugez po shpreson për një ankand, dhe vazhdojnë të kërkojnë të paktën 70 milionë euro, për ta lënë të lirë 24-vjeçarin. Gjithsesi Reali ka një avantazh, për shkak se agjenti i mesfushorit Zhorzh Mendes, ka një marrëdhënie të shkëlqyer me Perez, dhe do të ishte shumë e lehtë për të gjetur një marrëveshje.
Gjithashtu në media qarkullon edhe lajmi se “Roji Blankos”, interesohen edhe për mesfushorin e Ajaksit, Doni Van De Bek, i cili ka të njëjtin çmim si Fernandes.