Milani humbi ndeshjen e parë në Serie A për këtë sezon, teksa u mund nga Udineze me shifrat 1-0 në fushën e këtyre të fundit.
Për këtë fillim të keq të kampionatit ka folur edhe Çalhanoglu, i cili në një intervistë për “Sky Sport”, është shprehur: “Ne kemi bërë disa gjëra të gabuara, nuk bëmë atë që dëshiron trajneri. Udineze luajti mirë, ata na mbyllën në fushën tonë, por kjo ishte vetëm ndeshja e parë. Xhampaolo? Loja e tij është e ndryshme. Atij i pëlqen të luajë përpara me lojë vertikale, kur marrim topin gjithmonë ai dëshiron që ne të sulmojmë. Jemi në rrugën e duhur, duhet kohë për të punuar dhe për t’i bërë gjërat më mirë, më pas kjo do të shihet në fushën e lojës.”, theksoi turku.
Gjithashtu ai foli edhe për merkaton, teksa shtoi: “ Të gjithë gazetarët flasin për merkaton. Për atë kujdeset agjenti im, unë shikoj vetëm punën, pasi kam një trajner të ri dhe një rol të ri.”, mbylli intervistën e tij 25-vjeçari.
