Simon Mignolet largohet pas 6 sezonesh me Liverpulin, dhe transferohet në kampionatin belg.
Nga sezoni i ardhshëm portieri do të mbajë veshur bluzën e Klub Bruzh, me të cilët shpreson të arrijë suksese të mëdha. 31-vjeçari u transferua në 2013-të nga Sandërlendi, dhe që në sezonin e parë ishte një nga lojtarët kryesor të skuadrës, që drejtohej nga Brendan Rodxhers.
Pas transferimit të Alison, një sezon më parë, belgu e humbi vendin e titullarit, dhe kjo ka bërë që ai të kthehet në kampionatin e vendit të tij.
Në sezonin e fundit ai u aktivizua vetëm në dy ndeshje me Liverpulin, me të cilët fitoi edhe Ligën e Kampionëve, dhe tani do të nisë një aventurë të re.
