Një gol i Lionel Mesit ndaj Lens nuk ka mjaftuar për të siguruar fitoren e PSG-së në takimin e sotëm në kampionatin francez, por ishte mjaftueshëm për të siguruar pikën që nevojitej që të festonte titullin e 10 kampion në historinë e klubit.
Argjentinasi shënoi me një goditje spektakolare nga jashtë zonës në minutën e 68 të ndeshjes duke i dhënë avantazhin skuadrës së tij që shpërdoroi edhe mundësi të tjera. Por Zhan prishi disi festën e kësaj ndeshje, pasi barazoi për miqtë me golin e tij në minutën e 88.
Gjithsesi, PSG tani kishte sigurinë matematikore se mund të festonte titullin e 10, duke iu bashkuar kështu St. Etien, si e vetmja skuadër e cila ka arritur këtë shifër në historinë e futbollit francez.
