Sindri Guri ka arritur që të gjejë rrugën e rrjetës që në ndeshjen e tij të parë zyrtare në këtë sezon me Ostende, ku ai shihet si titullar në këtë edicion në të cilin i është kërkuar të tregojë vlerat e tij pas ambientimit të edicionit të kaluar ku nuk u paraqit edhe aq pozitivisht.
Sulmuesi shqiptar mungoi në ndeshjen e hapjes ndaj Anderleht një javë më parë, për shkak dëmtimi, por sot ndaj Bryzh ka qenë në fushën e lojës që nga minuta e parë e takimit.
Ai ka shfrytëzuar rastin e parë që i është shfaqur në minutën e 32-të të duelit, kur pas një harkimi nga e djathta shënoi me një goditje me kokë si një qendërsulmues i mirëfilltë, duke treguar se është në formë të mirë dhe se Ostende ka bërë mirë që i ka besuar përsëri.
