UEFA ditën e sotme do të shpallë fituesin për lojtarin më të mirë të vitit “Men’s Player Of The Year”.
Në Monaco do të organizohet një ceremoni gala, ndërsa 3 kandidatët janë Lionel Messi, Cristiano Ronaldo dhe mbrojtësi Van Dijk.
Së fundmi “Sportbible” ka realizuar një sondazh ku kanë marrë pjesë mbi 17 mijë votues, për të zgjedhur fituesin e këtij çmimi.
Me 52% të votave Lionel Messi është shpallur fitues, i ndjekur me 33% nga van Dijk dhe vetëm 15% për Cristiano Ronaldon.
Ndërsa po të njëjtin sondazh e ka bërë më përpara faqja zyrtare e UEFA-s në twitter dhe sërish Lionel Messi del fitues.
Në mbi 444 mijë votues, ‘ylli’ i Barçës ka marrë 43% të votave, ndjekur nga Van Dijk me 30%, ndërsa Ronaldo pozicionohet i treti me 27%.
Gjithsesi fituesin e vërtetë të këtij trofeu do e mësojmë sot në mbrëmje.
© SYRI.net
