Në “Old Trafford” u luajt ndeshja kryesore e javës së parë të Premierligës mes Manchester United dhe Chelseat.
Skuadra e drejtuar nga Solskjaer e nis mjaft mirë sezonin e ri, duke marrë një fitore të thellë 4-0 ndaj një kundërshtari rival të Premierligës.
Pjesa e parë u mbyll me rezultatin 1-0 për Manchesterin, me golin e shënuar në minutën e 18-të nga Rashford me penallti.
Në minutën e 65-të vjen goli i dytë për Manchester United. Nga një kundërsulm i shpejtë i “Djajve” është Martial, i cili i jep shtyrjen e fundit topin drejt rrjetës së “Bluve të Londrës”.
Kaq mjafton dhe miqtë shthuren, teksa Rashford një minutë më pas (66’) realizon dhe golin e tretë për United.
Në të 81’, depërton Pogba, i cili pason te Daniel James që nuk fal, duke shënuar golin e katërt.
Ky ishte dhe goli që vulosi rezultatin përfundimtar të kësaj supersfide, me Manchester United që me ndërhyrjet në merkato, duket se do të jetë pretendent serioz për titull.
