Klubi i Futbollit Partizanit zyrtarizoi para disa javësh marrëveshjen me klubin hungarez Ujpesht për transferimin e Theofilus Solomon.
Sulmuesi nigerian nënshkroi një kontratë dy vjeçare me kampionët e Shqipërisë
Pritshmëritë janë të mëdha për sulmuesin, dhe në ndeshjet e para me klubin e “kuq” ai ka ditur që t’i justifikoji ato.
Në përballjen kundër Sheriff Tiraspolit ai bëri një paraqitje dinjitoze, ku ishte dhe njeriu kyç në golin e Asanit, me një aksion model.
Por me rrugëtimin në Europë që është mbyllur zyrtarisht, tashmë vëmendja e të kuqve është e gjitha te sezoni i ri dhe Superkupa, e cila është programuar për t’u luajtur më 18 gusht në “Elbasan Arena”.
Edhe pse nigeriani nuk ka ende informacion për axhendën e kësaj finaleje, nuk ngurron që të “ndezë” tifozët me përgjigjet e tij në “InstaStory”.
Provokon hapur Kukësin dhe premton se titulli kampion do të mbetet i kryeqytetasve edhe këtë vit. I pëlqen të jetojë në kryeqytet, ndërsa kur i duhet të zgjedhë mes Mesit dhe Ronaldos apo Piatek dhe Susos, vendimin nuk e ka aspak të vështirë.
JA DISA NGA PYETET QË KA MARRË SOLOMON NË “INSTASTORY”:
Ku je aktualisht?
Në Shqipëri.
Të pëlqen të jetosh në Shqipëri?
Sigurisht!
Mund të ma japësh një fanellë?
Patjetër.
Kur do ta shënosh golin e parë me Partizanin?
Shumë shpejt. Mundësisht kundër Kukësit.
A do të jetë Partizani kampion sërish?
Po. E sigurt.
Në cilin stadium do të luhet Superkupa?
Në të vërtetë, nuk e di.
Sa gola mendon që do të shënosh gjatë kampionatit?
Nuk e di, koha do ta tregojë.
Mesi apo Rondalo?
Ronaldo.
Të pëlqejnë Ultras Guerrils?
Po, gjithmonë.