Pas transferimit në Amerikë, Ansi Agolli vazhdon të shënojë për ekipin e tij, Nju Jork Kozmos.
Ditën e djeshme, ish-kapiteni i Kombëtares, luante në finalen e kampionatit NPSL, përballë Majemit. Kundërshtarët e Agollit, shënuan dy herë shumë shpejt në minutat e para, por në minutën e 30-të, ishte pikërisht shqiptari që ngushtoi shifrat.
Në një faull në krahun e djathtë, Agolli erdhi posaçërisht nga pozicioni i tij, për të shfrytëzuar këmbën e tij të majtë. Ai harkoi drejt portës, nuk u devijua dot, dhe përfundoi drejt e në rrjetë.
Gjithsesi, Majemi e fitoi në fund 3-1 ndeshjen, dhe ekipi i shqiptarit duhej të kënaqej me vendin e dytë në këtë finale të humbur.