Braziliani Malcom është lojtari më i ri i Zenit.
22 vjeçari firmosi para pak ditësh një kontratë 5 vjeçare me klubin rus.
Mirëpo futbollistit ditën e djeshme i ka ndodhur një ngjarje e tmerrshme.
Zenit St. Petersburg ishte pritës i skuadrës së Krasnodar, në kuadër të xhiros së katërt në Superligën e Rusisë.
Në këtë ndeshje e cila përfundoi me rezultatin 1:1, debutoi edhe i transferuari nga Barcelona, Malcom, i cili nuk e kaloi aspak mirë këtë ndeshje të parë përpara publikut vendas.
Ishin tifozët e skuadrës së tij ata që shfaqën racizëm ndaj anësorit brazilian, duke shokuar botën e futbollit.
“Ruani traditën tonë, mos nënshkruani me lojtarët me ngjyrë” ishte pankarta e ngritur nga tifozët.
Sigurisht që tifozët e Zenit do të dënohen për këtë veprim aspak të hijshëm.
Malcom u transferua nga Barcelona tek Zeniti për 45 milionë euro.