Tani diçka po lëviz dhe situata e trishtë e Ikardit me Interin këtë verë, mund marrë një rrjedhë të papritur, pasi koha e merkatos po mbaron.
Ikardi duket se është bindur të largohet nga Interi. Ideja më e fundit që ka lindur në Milano është që sulmuesi të rinovojë kontratën, e cila skadon për dy vjet dhe të largohet në huazim.
Destinacioni i Ikardit në këtë rast do të jetë vetëm i huaj, pasi Interi nuk do ta lejonte të shkonte në një rival direkt në Itali.
Nga sa raporton “Sport Mediaset”, dy janë alternativat për bomberin e Interit, Atletiko Madrid dhe Monako. Padyshim që skuadra e Simeones është një mundësi intriguese, pasi është dhe Liga e Kampionëve ne mes, ndërsa Monako nuk ofron një pjesëmarrje në këtë kompeticion.
Koha po mbaron dhe çdo ide nga Interi duhet të hidhet në “sulm” për të zhbllokuar situatën.
