Radja Nainggolan e pranon se zgjodhi Cagliarin për shkak të prioriteteve tjera, por ai ende shpreson që do të dëshmojë se Interi ka bërë gabim që e ka lënë të ikë.
Mesfushori kaloi nga Roma tek Interi vitin e kaluar, por këtë verë trajneri i ri, Antonio Conte, i bëri të ditur se nuk është në planet e tij dhe është i lirë të kalojë në një klub tjetër.
Belgu zgjodhi të kthehej te Cagliari në formë huazimi, aty ku fillimisht bëri emër në sezonin 2013-2014.
“Jam i gëzuar që po kthehem në shtëpi. Unë kam bërë një zgjedhje, isha i detyruar, por në fund, unë e mora këtë vendim dhe shpresoj që të tregoj sukses atje”, tha ai për “Tuttomercatoweb”.