Virxhil Van Dajk vlerësoi klasin e Roberto Firminos, të cilin braziliani e shfaqi edhe një herë pasi hyri në fushë në ndeshjen kundër Njukasëllit. Asist te goli i dytë i Manesë, por kryeveprën e tij, ai e ruajti për Salahun me një asist gjenial me thembër në pjesën e dytë.
“Ai është një lojtar shumë i rëndësishëm për të gjithë ne. Unë e di se sa e vështirë është për një qendërmbrojtës nëse një sulmues tërhiqet në pozicionin e tij dhe ai ia nxin jetën çdo mbrojtësi në botë”, tha holandezi pas fitores së pestë këtë sezon në Premier Ligë. “Sigurisht që është shumë e rëndësishme që morëm tri pikë të tjera. Të shkosh në disavantazh nuk është mirë, por ne reaguam në mënyrën e duhur”.
