Futboll Seria A Sport

DËSHTOI MARRËVESHJA ME “DJAJTË E KUQ”/ Interi me plan të qartë për ta marrë në merkaton e janarit lojtarin…

Vetëm pak ditë më parë Mateo Darmian u zyrtarizua si lojtari më i ri i Parmës, i cili u rikthye në Serie A pas 4 sezonesh si pjesë e Mançester Junajtid.

Mirëpo aventura e mbrojtësit në “Tardini”, mund të zgjasë vetëm 5 muaj pasi një tjetër skuadër do të provojë transferimin e italianit në janar. Sipas asaj që shkruan “Corriere dello Sport”, Interi mund të nisë një tentativë për ta transferuar 29-vjeçarin në “San Siro” në merkaton e ardhshme.

Si fillim Konte do të shikojë njëherë skuadrën që ka në dispozicion, me Lazaro në krahun e djathtë dhe në rast se austriaku nuk bind me paraqitjet e tij, atëherë Marotta do të nisë kontaktet me Parmën për të transferuar te Interi, një dëshirë të madhe të teknikut zikaltër.

Drejtuesit nga Milano do të ofrojnë në shkëmbim mbrojtësin tjetër italian të talentuar, Alesandro Bastoni, nëpërmjet të cilit mund të bindë drejtuesit e Parmës, për ta lënë të lirë Mateo Darmianin.

Për mbrojtësin Interi kishte shfaqur interes edhe gjatë kohës kur ai ishte pjesë e Junajtid, por pa mundur të arrijnë një marrëveshje me “Djajtë e Kuq”.

Related posts

United nuk e ka mbyllur ende merkaton, gati oferta për mbrojtësin e Napolit

Q.Autor

Nga Deulofeu te Musonda: Të gjithë sulmuesit e ndjekur nga Interi për afatin e janarit

Q.Autor

PAS DEBATIT TË ASHPËR ME GJYQTARIN/ Pezullohet trajneri i Premier Leagues, ja masat

Delo.autor

Leave a Comment