Granit Xhaka është bërë zyrtarisht kapiten i përhershëm i Arsenalit.
“Trajneri i Arsenalit, Unai Emery ka emëruar mesfushorin Granit Xhaka si kapitenin e përhershëm të klubit të Arsenalit”, ka shkruar gazetari i BBC, David Ornstein në Twitter.
Emery informoi skuadrën për vendimin e tij këtë mëngjes, përpara transfertës së vështirë kundër Manchester United në “Old Trafford”.
Xhaka ka udhëhequr skuadrën në gjashtë nga tetë ndeshjet e tyre këtë sezon, por Emery pas konsultimit me lojtarët e tjerë mori këtë vendim përfundimtar për lojtarin shqiptar.
Emery është ende duke diskutuar mbi zv/kapitenin, ku pretendentët kryesorë janë Alexandre Lacazette dhe Pierre-Emerick Aubameyang.
