Në Gjenevë të Zvicrës vijon turneu i Laver Cup për meshkuj në tenis, ku protagonistë janë edhe Roger Federer e Rafael Nadal, që luajnë në të njëjtin ekip, atë të Europës (skuadra tjetër është ajo e botës). Për fat të keq, dy tenistët këtë herë nuk do të luajnë së bashku në lojën dyshe, pasi Nadal ka pësuar një dëmtim në dorë.
Federer, në një deklaratë për mediat tha: “Këto janë ndeshje të jashtëzakonshme, të gjithë së bashku në një stol. Nadal është i shkëlqyer si trajner, këshillat e tij janë gjithnjë të sakta dhe të dobishme. Të jep siguri në atë që thotë dhe mbi të gjitha ai di se si të zgjidhë problemet që dalin. Shpesh më ka shpëtuar nga humbja këtu”.
