Klubi i Partizanit është bërë zyrtarisht anëtar i Shoqatës së Klubeve Europiane të futbollit, teksa vendimi është marrë sot gjatë zhvillimit të Asamblesë së kësaj organizate në Gjenevë të Zvicrës.
Njoftimi është bërë nga vetë klubi i kuq nëpërmjet një deklarate zyrtare, ndërsa Partizani bëhet klubi i tretë shqiptar, pjesë e ECA-s, pas Kukësit dhe Vllaznisë që e gëzonin tashmë këtë status.
European Club Association numëron më tepër se 200 anëtarë nga e gjithë Europa, mes të cilëve klubet më në zë të kontinentit dhe është një organizatë që punon nga afër me UEFA-n, për të projektuar të ardhmen e sportit më popullor në botë.
