Frenki de Jong ishte zbulimi i sezonit të fundit i cili shkëlqeu me fanellën e Ajaksit dhe u ble nga Barcelona.
Mesfushori holandez u bashkua me katalanasit këtë verë dhe ka qenë titullar në ndeshjet e para të kampionatit, aty ku ka bërë paraqitje të mira.
Megjithatë, vetë De Jong u shpreh se ende nuk ka arritur të japë më të mirën dhe se nga ai pritet më shumë.
Në një prononcim për mediat holandeze, De Jong u shpreh se po rritet e se po përmirësohet më shumë në pozicionin ku luan.
“Jam futbollist i ri këtu dhe megjithëse ka shumë mesfushorë, unë po luaj rregullisht. Ndihem i lumtur dhe mirë që jam në formacion, por ende nuk e kam dhënë maksimumin tim. Unë kam ende shumë për të dhënë dhe do të rritem çdo ditë që luaj dhe do të përmirësohem në pozicionin tim”, u shpreh De Jong.