Situatë absurde në Kategorinë e Dytë. Federata Shqiptare e Futbollit njoftoi pak minuta më parë, klubet, nëpërmjet një emaili zyrtar se sezoni i ri fillon këtë të diel, pra në datën 22 shtator, ashtu siç ishte parashikuar.
I çuditshëm është fakti, se kur na ndajnë vetëm 3 ditë nga starti i Kategorisë së Dytë, skuadrat nuk kanë mësuar shortin, se cilët do të jenë kundërshtarët e javës së parë.
Edhe dita e nesërme bie si opsion për hedhjen e shortit, pasi klubet nuk janë njoftuar. Një situatë tepër kaotike, zgjidhjen e së cilës e di vetëm Federata Shqiptare e Futbollit.
