Douglas Costa do të vijojë të mungojë rreth një muaj për shkak të dëmtimit.
Sipas “Tuttosport”, Douglas Costa e ka humbur derbin italian me Interin që luhet më 6 tetor. Po ashtu, ai do të mungojë edhe në sfidën e Champions-it kundër Bayer Leverkusen.
Sipas parashikimeve më optimiste, ai mund të grumbullohet për ndeshjen e 19 tetorit në “Allianz Stadium”, me Bologna.
“Paulo bëri mirë, por ka një problem. Shpresojmë ta rikuperojmë atë për ndeshjen tjetër. Ronaldo? Unë ende nuk e di nëse do të jetë gati për SPAL. Të mërkurën do të flas me mjekët. Situata është e qetë, por ne preferuam të mos rrezikojmë me të”, tha Sarri.
