Konkurrenca në portën e përfaqësueses së Gjermanisë, ka bërë që Manuel Neuer dhe ter Stegen të “shpërthejnë” në kritika ndaj njëri-tjetrit.
Ishte fillimisht “ylli” i Barcelonës, Marc Andre Ter – Stegen, ai që kishte thënë se nuk e kupton arsyen pse ai qëndron në stol.
Me të njëjtën gjuhë kritike iu përgjigj edhe Manuel Neuer por për t’i hedhur “benzinë zjarrit” ka menduar numri një i klubit bavarez, Uli Hoeness.
Presidenti i Bajernit ka kërcënuar se nuk do t’i lejojë lojtarët e tij të bashkohen me ekipin kombëtar nëse Joachim Low vendos të zëvendësojë Neuerin me Ter Stegenin.
“Nëse kjo ndodh, ne nuk do të dërgojmë më lojtarë në kombëtare”, – tha presidenti i Bayernit për “Sport Bild” pas ndeshjes së Ligës së Kampionëve kundër Crvena Zvezdas.
