Kombëtarja sot luan për të bërë kthesën.
Në orën 20:45 në “Elbasan Arena” kuqezinjtë e drejtuar nga Edi Reja do të përballen me Islandën, kundërshtarin e drejtpërdrejtë për fatet e kualifikimit në Euro 2020.
Shqipëria pozicionohet në grupin H ku pas 5 ndeshjeve ka grumbulluar vetëm 6 pikë, por mbi të gjitha ka humbur ndaj 3 rivalëve direkt me të cilët duhet të “luftojë” për dy vendet e para.
Skema edhe ndaj Islandës mbrëmjen e sotme në Elbasan Arena do të jetë e njëjtë 3-5-2, por në formacionin që pritet të hedhë në fushë trajneri Reja pritet të ketë ndryshime të shumta krahasuar me sfidën e fundit ndaj Francës të cilën kuqezinjtë e humbën me rezultatin 4-1.
Në portë do të jetë sërish Thomas Strakosha, ndërkohë që në mbrojtje Dermaku do të marrë vendin e kapitenit Mavraj me shpresën se nuk do të përsërisë të njëjtin gabim si në ndeshjen e parë që solli golin të Islandës në Reykjavik.
