Trajneri i Lazios, Simone Inzagi, ka publikuar listën e futbollistëve të grumbulluar për ndeshjet e Ligës së Europës.
Në të bëjnë pjesë pa diskutim portieri titullar Tomas Strakosha, ndërsa është përfshirë edhe mesfushori që luan me Kosovën, Valon Berisha, i cili duket se ka lënë plotësisht pas krahëve dëmtimin dhe ka besimin e teknikut Inzaghi.
Ndërkohë, jashtë listës ka mbetur mbrojtësi me origjinë shqiptare, por që përfaqëson Danimarkën, Riza Durmishi.
Futbollisti ishte në planet e klubit për t’u larguar këtë verë, por pasi nuk gjeti një sistemim të ri, mbeti pjesë e ekipit. Megjithatë, për kompeticionin europian nuk do të jetë.
Sakaq, bardhekaltrit janë shortuar në Grupin E dhe do të kenë përballë kundërshtarë si Cluj, Celtic dhe Rennes.
