Po luhet në “Selman Stërmasi” sfida mes Tiranës dhe Skënderbeut e vlefshme për javën e 4-t të Kategorisë Superiore. Një përballje tepër interesante, teksa bardheblutë vijnë si favoritë në letër, përballë një Skënderbeu me shumë probleme këtë sezon.
Skuadra e Memës do të kërkojë të vijojë ecurinë poztive në kampionat, pas 2 fitoresh dhe një barazim, ndërkohë që korçarët vijnë pas humbjes 0-3 në shtëpi ndaj Bylisit.
Për sa i përket sfidave të sezonit të kaluar, në 4 përballjet mes tyre, 2 herë kanë fituar bardheblutë, ndërkohë që 2 sfidat e tjera janë mbyllur në barazim 1-1.
TIRANA-SKËNDERBEU 2-1
Ngo 45+2′ (p), Halili 85′ / Pollozhani 66′
KOMENTI LIVE:
85′ GOOOOOL TIRANA 2-1/ Bardheblutë rikthehen në avantazh, është Grent Halili që dërgon topin në rrjetë! Festë e çmendur në “Selman Stërmasi”. Pas krosimit të Hoxhallarit nga e majta, talenti bardheblu godet saktë me kokë nga brenda zonës, topi përplaset në shtyllën e djathtë pingule dhe përfundon në rrjetë!
81′ Zëvendësim i tretë te Tirana, largohet nga fusha mesfushori Celhaka, në lojë sulmuesi Dunga!
78′ Tjetër karton i verdhë, ndëshkohet mbrojtësi Jorgo Pëllumbi!
77′ Pranë golit bardheblutë me Kristi Vangjelin, harkimi i korçarit, për pak sa nuk përfundon në rrjetë.
76′ Zëvendësim te Tirana, largohet Kale, në lojë Halili.
74′ Zëvendësim edhe te Tirana, largohet Albi Doka, vendin e tij e zë Kristi Vangjeli!
74′ Zëvendësim te Skënderbeu, largohet Asion Daja, vendin e tij e zë Bruno Dita.
72′ Majkëll Ngo ndëshkohet me karton të verdhë për faull në sulm ndaj portierit Koliçi.
66′ GOOOL SKËNDERBEU 1-1/ Vendoset baraspesha në “Selman Stërmasi”, Pollozhani gjen rrugën e rrjetës! Pas një krosimi të bukur të Gripshit, mbrojtësi është ngritur bukur brenda zonës, duke shënuar golin e parë në portën bardheblu!
62′ Drithërima në portën e Tiranës, Bakaj eviton një autogol pas devijimit të Imamit.
58′ Pranë golit të dytë Tirana me Ngo. Pas goditjes së Kobina, nuk arrin dot sulmuesi anglez të zgjatet për të devijuar topin drejt rrjetës.
52′ Eni Imami ndëshkohet me karton të verdhë për ndërhyrje të gabuar ndaj Krasniqit.
51′ Vendimtar grushtimi i Enea Koliçit, i cili shpëton Skënderbeun nga pësimi i golit të dytë.
49’ Doka provon nga distanca, por Koliçi tregon reflekset dhe largon rrezikun në këndore.
46′ Starton pjesa e dytë. Hasani provon të surprizojë me një roveshatë, por gjuajtja e shkodranit shkon jashtë kuadratit.
